Гандизмнің мәні не?

Осы Үндістанның ұлт көшбасшысы болған Махатма Гандидің есі­мі­­мен байланысты гандизм ұғымы айтылып жатыр. Оның мәні қандай?
Мархабат, Алматы облысы
Гандизм – діни-философиялық, қо­ғам­дық-саяси ілім, Үндістан буржуа­зи­я­сы мен империализмге қарсы қоз­ғалыстың идеологиясы. Философияда­ғы Гандидің ұстаған жолы – объективті идеалистік бағыт. Оның түпкі негізі – Құдайдың хақтығын мойындау, оны ақиқатпен қатар қою. «Мен үшін ақи­қат – ең басты принцип. Ол ақиқат – Құ­дай» дейді Ганди. Оның пікірінше, ақи­қат гносеологиядан гөрі діни адам­гершілік категориясына жатады. Оған қол жеткізу тек адамның өз бетімен же­тілуі, «ізденуі» және ақиқатты өз ісінде жү­зеге асыруы арқылы болмақ. Ган­дизм қоғамдық-саяси проблемаларды адамгершілік тұрғысынан қарауға көп көңіл бөледі. Ганди ұсынған ұлт бостан­дығы үшін күрестің негізгі тактикасы – «Сатьяграхани», осы зәбірлемеу прин­ципіне сүйенеді. Үндістанның ағылшын үстем­ділігінен босанып, тәуелсіз болуы («Свардж» – өзін-өзі басқару) тек зәбір­лемейтін шаралар арқылы іске асырылуы керек деп үйретеді Ганди. Зәбірлемеу концепциясы гандизмде біраз өзгеріске ұшырағаны да белгілі. Гандидің өзі «зәбірлемеуді» күнделікті мәселелерді шешудің жан-жақты құралы деп білгені мәлім. Солай бола тұрса да, Үндістанды Жапонияның басып алу қаупі туғанда оған тойтарыс беру үшін қарулы күш жұмсауды қажет деп білген де осы Ганди болатын. «Сатья­гра­ханиды» іске асырудың мық­ты шар­ты­ның бірі Үндістан қа­уым­ын­дағы бар­лық таптардың достық, ынты­мағын­да деп білді Ганди.