Флэшка кімнің идеясы?

Флэшкасыз қазір қандай да бір істі елестету қиын. Кім ойлап тапты екен оны?
Жасын, Алматы қаласы
1984 жылы жапон ғалымы, Toshiba компаниясының өкілі Фудзио Масуока ойлап тапты. Ал­ға­шында сақтауыш құрылғының көлемі 1 МБ шамасында болды. Алай­да энергия көзі бол­ма­ған­дықтан, ішіндегі мәліметтер жойы­лып кетіп отырды. Энергияға тәуел­сіз құрылғыны ойлап табу ар­қылы мүмкіндігі шектеусіз екеніне көз жеткізген соң ғана ғалым 1984 жы­лы АҚШ-та өткен ғылыми кон­фе­ренцияда өзінің жаңа құ­рылғысын таныстырды. Болашағы зор жобаға Intel компаниясы өзінің 300 инженер, ғалымын жұ­мыл­дыр­ды. Соған сай компания бүгін көшбасшы болып отыр. Флеш­ка­ның мынадай негізгі түрлері бар:
1. CF(Compact Flash) – 1984 жы­лы шыққан ең алғашқы сақ­тауыш құрал. Көбіне кәсіби фото-видео құрылғыларында пай­да­ла­ныла­ды. Өте шапшаң, берік құ­рыл­ғы­ның максималды көлемі 2008 жылы – 100 Гбайтқа, ал жыл­дам­дығы 66 Мбайт/с дейін жетті.
2. MMC(Multimedia Сard) – кө­лемі шағын 24Ч32Ч1,4 мм болып келетін сақтауыш құрал.
3. MMCmicro – шағын көлемді, ұя­­лы телефондарға арналған сақ­тауы­ш құрал. Көлемі – 14x12x1,1 мм.
4. SD Card (Secure Digital Card) – SanDisk, Panasonic және Toshiba ком­паниялары ұсынған өнім. SD кар­тасы MMC-тен кейін же­тіл­дірілген жалғасы болып табылады. SD Card авторлық құқыққа баса мән берген. Заңсыз көшіруден, ақ­па­рат­тың кездейсоқ өшіп қалуынан қор­ғал­ған.