Фидель Кастроның сөзі 27 сағатқа созылыпты
Кубаның көсеміне айналған Фидель Кастро Гиннесстің рекордтар кітабына кірген деседі. Қандай ерекшелігімен рекорд жасап жүр?
Бекжан Есімов, Шымкент
Иә, дұрыс айтасыз, Куба мемлекетінің мақтанышына айналып үлгерген Фидель Кастро Гиннесстің рекордтар кітабынан өз орнын ойып тұрып алған.
Әйгілі кітапта оның аты өзінің шешендік өнерімен қалған екен. Куба көсемінің ең ұзақ сөзі 27 сағатқа созылған көрінеді. Қырық тоғыз жыл үздіксіз билік басында болған революционер 2008 жылы денсаулығының сыр беруіне байланысты орнын туған інісі Раульге қалдырғаны белгілі. Алайда жақында тағы да халық алдына шығып сөз сөйледі. Шешендігімен рекорд жасаған үлкен Кастро 1926 жылы дүниеге келген. Ол қазірдің өзінде әлемдегі ең қарт саясаткердің бірі болып саналады.
