Еуразияшылдық идеясының бастаулары

Елбасы геосаяси тұрғыда ең алғаш көтерген еуразияшылдық идеясының теориялық негізін салушылар кімдер? Қай ғалымдардың еңбектерінен еуразияшылдық идея көрініс тапты?
Марал ӘБСЕМЕТОВА, Алматы
Еуразияшылдық – 1920 жылдары орыс эмиг­рациясының арасында пайда болған саяси-идеялық және философиялық ағым. Еуразияшылдар Ресейді Азия мен Еуропаның ор­тасындағы ерекше құрлық және ерекше мә­дениет деп таныды. Еуразияшылдықтың басы Н.С.Трубецкойдың, П.Н.Савицкийдің, Г.В.Флоровскийдің және Сувчинскийдің «Шы­ғысқа қарай бетбұрыс» атты мақалалар жина­ғының (София, 1921) жарық көруінен бас­талды. Сондай-ақ еуразиялық мектептің өкіл­­­дері қатарында И.А.Ильин, Н.Ширяев, А.В.Ко­жевников, Д.П.Святополк-Мирский, Н.Н.Алек­сеев, В.П.Никитин, В.Н.Иванов, Я.Д.Са­до­вский сияқты көрнекті ғалымдар болды. Еуразиялық идеялар КСРО-да 1970-1980 жылдары ең алдымен Л.Н.Гумилевтің еңбектерінің арқасында кеңінен танылды. Қазақстан ғалымдары еуразиялық идеяны жаңаша мазмұнды ғылыми негіз деп келеді. Еуразияшылдық идеяларын Қа­­зақстан Президенті Нұрсұлтан Назарбаев теориялық тұрғыдан қолдап қана қоймай, оны жаңаша мазмұнда практикалық тұрғыдан жү­зеге асыруға сүбелі үлес қосып келеді.