Шетелдік бір лингвист ғалымның «Егер адамдардың барлығы эсперанто тілінде сөйлесе, тіл үшін болып жатқан дау-дамайлар жойылар еді» деген пікірін оқып қалдым. Бұл қандай тіл?
Алтынбек ПАЗЫЛХАНҰЛЫ, Қызылжар
Эсперанто – әлемде барынша кең қолдау тапқан жасанды тіл. Оны варшавалық окулист Лазар Маркович 1887 жылдан бастап оны жыл бойы көз майын тауыса отырып құрастырып шыққан. Қазір жер бетінде осы тілде сөйлей алатындардың саны 2 миллионнан асады. Оларды көбіне эсперантофондар деп атайды. Көптеген еуропалықтар «кез келген білімді адам өзінің ана тілімен қатар эсперантоны да игеруге міндетті» деп есептейді. Олардың ойынша, бұл жасанды тіл жаппай қолданысқа енетін болса, әлемде тіл үшін болып жатқан текетірестер азайып, түбінде барша халықтар бір-бірімен аудармашысыз-ақ тілдесе алатын болады. Әдетте, шетелдіктер аралас некеден туылған балаларын эсперанто тіліне бейімдейді. Әр жылы эсперанто тілінде жүздеген кітаптар жарық көріп, фильмдер түсіріледі. Қазір бұл тілдің болашағымен Бүкіләлемдік эсперанто қауымдастығы (UEA) айналысып жүр. Эсперанто алфавиті латын тіліне негізделіп жасалған, 28 әріптен тұрады. Ал сөздік қоры әлемде кең тараған бірнеше тілдерден жинақталған. Эсперантоның басты ерекшелігі – қай жағынан да (грамматикалық, фонетикалық) үйренуге оңай.