Есіл қай жерге дейін көсіліп жатыр?

Біз Арқаның төсіндегі Астананың Есіл өзені жағалауында орна­ласқанын білсек те, сол өзен жайлы, оның ұзындығы, бастауы жайлы онша ештеңе біле бермейміз. Есіл жайлы айтсаңыздар?
Салтанат ДАЯРОВА, Астана қаласы

Сарыарқаның солтүстігінде Еуро­па мен Азияны байланыстыратын орта­лық болып саналатын Астана Есіл өзе­нінің жағалауында орналасқан. Ресей мен Қазақстанды қабыстыра еркелей аққан Есіл Қарағанды облы­сындағы Ниаз тауларының (Қазақ­стандық ұсақ шоқылардың солтүстік бөлігі) қайнар­ларынан алады. Өзен­нің қайнар көзі­нен сағасына дейінгі жалпы ұзындығы 2450 шақырымды құрайды. Сумен жаб­дықталу және суарылатын егін шаруашылығын да­мыту үшін 1965-1970 жж. қаладан 70 шақырым жер­де Есіл өзенінде су қорлары 410,9 млн.м3 толық көлем­ді құрайтын Вячеславское (қазір Ас­та­налық) су қоймасы құрылған бо­латын. Ағысының бағыты оңтүстік-батыстан бастап, Арқалық өңіріндегі Державинск қаласынан кілт сол­түс­тікке бұрылады.