Ергежейлілік емделе ме?

Жақында спутниктік телеарналардың бірінен ергежейлілер циркін көріп, керемет әсерде қалдым. Бірақ біртүрлі жаным ашыды. Табиғатынан талантты сол адамдар не себепті осындай күйге түсті екен? Сонда кезінде оларға көмектесуге мүмкіндік болмағаны ма?
Бекзат БАТЫРХАН, Талдықорған қаласы 

Сенімді дереккөздерге жүгінсек, бү­гін­де бойдың өспей қалуына себепкер бола­тын синдромдардың екі мыңнан астам түрі бар. Кейбір жағдайларда бұл сүйек ауруы­ның салдарынан болады. Әдетте, ондай адамдардың басы шамадан тыс үлкен де, аяқтары әдеттегіден тыс қысқа болып келе­ді. Сырқатқа негіз болатын келесі бір нәрсе  ағзадағы зат алмасу про­це­сінің бұзылуы болып табылады. Жасының үлкендігіне қарамастан, мұндай диагнозды науқастар­дың бойлары алты-жеті жастағы баланікін­дей болады. Соны­мен қатар ергежейлілік жүре пайда болуы да ықтимал. Мысалы, гипофизге жасалған операциядан кейін. Сондай-ақ жүрек талмасы, диабет аурула­ры да бала бойы­ның өсуін тежеуі мүмкін. Өкінішке қарай, ергежейліліктің туабіткен формаларының басым көпшілігі емдеуге келмейді.