Ең қуатты он әскер

Менің білгім келетіні, әлемдегі әскери қуаты ең күшті елдерге кімдер жатады?
Берікбол, Тараз
Сарапшылар қауымы түрлі критерийлерді ескере отырып, әлемдегі ең мықты он әскерді атаған болатын. Тізіп шығатын болсақ, 10-орында Пәкістан аталады. Әскер саны 500 000. 9-орында Израиль әскері тұр. Әс­кер саны 150 мың адамнан тұра­ды. Сегізінші орында – Ресей. Атал­ған тізімде жетінші тұрған Түркия мем­лекеті. Құрлықтағы әскер саны бо­йынша Түркия – НАТО-дағы екінші тұрған ел. Алтыншы орында – Солтүстік Корея. Бесінші – Германия. 200 мың сарбаздан тұратын неміс әскері өзінің әскери тәжірибесімен ерекшеленеді. Төртінші орында – Үндістан. Оның әскер саны 1 миллионнан асады. Үшінші орында – Ұлы­бри­тания. 150 мың әскері бар бри­таниялық қарулы күштер заманауи қарумен жарақтанған. Екінші орында – Қытай. Қытайдың әскер саны 2,2 млн шамасында. Ал әлемдегі ең қуатты әскер АҚШ-қа тиесілі. Әскери тәжірибесі, әскер санымен қоса, бұл елдің әскери бюджеті де әлемдегі ең қомақты бюджет болып табылады.