Елімізде Тәуелсіздікпен құрдас қанша ұл-қыз бар?

Біз Тәуелсіздікті 1991 жылы алдық. Осы тұста менің білгім келгені, елімізде Тәуелсіздікпен құрдас қанша ұл-қыз бар?
Гүлжан ЖАНТАСОВА, Алматы қаласы
Иә, Тәуелсіздік – әрбір қазақ кө­зі­нің қара­шығындай сақтайтын қасиетті мереке. Ал Желтоқсан оқиғасы – қазақ тари­хын­дағы ақтаңдақ беттердің бірі. Мыңдаған жас­тың жанын қинаған, «алқаш» атанып, «нашақор» деп күйе жағылған қыз-жігіттердің Тәуелсіздік таңын жақын­дат­қаны шыққан күндей ақиқат. Тәуелсіздік күні – кең-байтақ даламыз ата-бабалары­мыз­дан қалған мұра және кейінгі ұрпаққа аман-есен, төрт жағы түгел болып бе­рілетін ама­нат. 1991 жылы «ің­га­лап» дү­ниеге келген Тәуелсіздік тү­лектері бүгінде 19 жасқа келді. Олар қа­зір­де тә­уелсіз елімізбен бірге ержетіп ке­леді. ҚР Статистика агенттігінің бізге бер­ген дерегі бойынша, елімізде 1991 жылы 310 120 сәби дүниеге келген екен. Оның 155 521-і ұл болса, 154 599-ы – қыз бала.