Елімізде суперкомпьютерлер бар ма?

Қазір дербес компьютерлердің ең жетілген түрі туралы жиі айтылып жүр. Мұндай қуатты компьютерлер Қазақстанда бар ма?
Мақсат, Алматы қаласы
Қазір әлем бойынша суперкомпьютерлердің ең мықты делінген 500 түрі бар. Өндіруші ел­дер оны қолданысқа енгізіп те үлгерді. Техни­калық параметрлері мен есептеу қуаты жағы­нан кез келген өндіріске серпін бере алатын компьютерлер Қазақстанда да бар. Былтыр наурыз айында мұндай машиналардың алғаш­қысы Алматыдағы Қазақ-Британ техникалық университетінде іске қосылды. IBM BladeCenter платформасындағы суперкомпьютер жерасты қоймаларын модельдеу технологияларына қолданылады. Жақын арада елімізде қуатты компьютерлердің қатары көбейе түспек. Өйт­кені 2009 жылдан бері осындай компьютер­лерді Қазақстанға жеткізу жөнінде ресейлік және америкалық компаниялармен келісім­шарт жасалған. Осы құжаттың негізінде Intel мен Ресейдің «Т-Платформы» компаниялары шығарған жоғары мүмкіндікті есептеу техни­калары елімізге келе бастамақ. Бұған қоса, ҚР Тұңғыш Президенті қоры жанынан Суперком­пьютерлік технологиялар орталығы салынбақ­шы. Әзірше бұл нысан құрылысының мерзімі нақтылана қойған жоқ.