Елімізде қанша генерал бар?
Қазақстанда генерал атағын алған қанша әскери тұлға бар екен?
Дәурен ЕРМЕКБАЕВ, Алматы
Қорғаныс министрлігі құрамында генерал атағына лайықты 35 лауазым бар екен. Ал отставкаға шыққан генералдар туралы деректі «Генералдар кеңесі» қоғамдық ұйымы төрағасы Рүстем Қайдаровтан алдық.
– Біздің қоғамға Қорғаныс министрлігі, Ішкі істер министрлігі мен Ұлттық қауіпсіздік комитетінің демалысқа шыққан 110-115 генералы мүше. Соның ішінде Ұлы Отан соғысына қатысқан Сағадат Нұрмағамбетов, Талғат Бигелдинов, Абдықадыр Болсанбеков және Бейсен Саппаев сынды төрт құрметті мүшеміз бар. Генералдар 25 жыл қызмет еткен соң, демалысқа шығуға құқылы, жалақысының 65 пайызы зейнетақы ретінде тағайындалады. Қазір кеңес мүшелерінің орташа зейнетақысы 70-80 мың теңге мөлшерінде.
