Еліміз НАТО-ның бағдарламасына қашан қосылды?

Қазақстанның НАТО-ның «Бейбiтшiлiк үшiн әрiптеcтiк» бағдарламасына қашан қосылды?
Еркін, Алматы облысы
«Бейбiтшiлiк үшiн әрiптеcтiк» бағдарламасы – [Partnership for Peace] – Кеңес Одағының ыды­рауынан және Варшава келісімі ұйымы өз жұмы­сын тоқтатқаннан кейін әлемдік саясатта НАТО-ның рөлі өзгерді. АҚШ өзінің Еуропадағы әскери қатысуын жартысына дейін қысқартты. Бірқатар Шығыс Еуропа елдері НАТО-ға кіруге құлшыныс танытты. Оған жауап ретінде 1994 ж. НАТО «Бейбітшілік үшін әріптестік» бағдарлама­сын қабылдады, оның шеңберінде ұйым Еуропа мен Азиядағы 27 елмен әріп­тестік қарым-қаты­нас орнатып, әскери жаттығулар жүргі­зуде. «Бей­бітшілік үшін әріптестік» бағдарламасының шар­тына сәй­кес, егер әріптес-елдерге шабуыл жасалып, қауіп төне қал­ған жағдайда әскери әрекеттерге НАТО-ның қатысуы міндетті емес. 1994 ж. 27 мамырда Қазақстан 19-мемлекет болып осы бағдар­ламаға қосылуға ниет білді­ріп, қол қойды. Бағдарлама аясында Қазақстан НАТО-мен әскери-техникалық саладағы әріп­тес­тіктерді жетілдіріп, қорғаныс құрылымын­дағы, демо­кратия жағдайындағы қарулы күш­тердің қызметін жетілдіруді, әскери стратегияны дамытуды және әсіресе НАТО-ның кол­ледж­де­рін­де әскери білім алу мен әскери мамандардың білік­тілігін арттыруды көздейді.