Еліміз Интерполға қашан мүше болды?

Қазақстан Интерпол – Халықаралық қылмыстық полиция ұйымына қа­шан мүше болды? Интерполдың елімізде қандай да бір мекемесі бар ма?
Нұрбек, Алматы облысы
Интерполдың тарихы 1923 жылдың 7 қыркүйегінен басталады. Халық­ара­лық полиция конгресінде 20 елдің 138 өкі­лі Халықаралық қылмыстық по­ли­ция­ның комиссиясын құрды және оның жар­ғысын қабылдады. 1956 жылы Ха­лық­аралық қылмыстық полиция ко­мис­сиясы «Интерпол – халықаралық қыл­мыс­тық полиция ұйымы» болып өз­­гертілді. Қазіргі уақытта ұйымға әлем­нің 186 мемлекеті кіреді. Қазақстан Рес­публикасы 1992 жылдың 4 қа­ра­ша­сында Дакар қаласында (Сенегал) Ха­лық­аралық қылмыстық полиция ұйымы бас ассамблеясының 61-сессиясында Ин­терполға қабылданды. «Халық­ара­лық қылмыстық полиция ұйымына (Интерпол) Қазақстан Республикасының кі­руіне байланысты іс-шаралар туралы» Қа­зақстан Республикасы Министрлер Ка­бинетінің 1993 жылғы 20 шілдедегі №629 қаулысымен Қазақстан Рес­пу­бли­касы Ішкі істер министрлігінің ор­талық аппаратында Интерполдың Ұлт­тық орталық бюросы құрылды.
Осы күннен бастап Қазақстан Ин­терпол арқылы қылмыскерлерді және із-түзсіз жоғалған адамдарды халық­ара­лық іздестіру мүмкіндігін пай­далануда.
Бүгінгі таңда Қазақстан Рес­пу­бли­ка­сындағы Интерпол ҰОБ заңнамаға сәй­кес, өз өкілеттіктері шеңберінде қа­зақ­стандық құқық қорғау органдарының Бі­ріккен Ұлттар Ұйымы, Шанхай ын­ты­мақтастық ұйымы, Еуропол және басқа да­ халықаралық ұйымдармен және құ­қық қорғау институттарымен өзара іс-қи­мыл жасасуды жандандыру жөнінде ша­ралар қабылдауда.