Экомұражай – Орталық Қазақстанда

Дүниежүзінің көптеген елдеріндегідей біздің елімізде де экологиялық мұражай бар ма? Болса, ол қай қалада?
Әсемсаз ДҮБІРБАЕВА, Алматы қаласы

Қазақстандағы экологиялық жағдай күн тәртібіндегі негізгі міндеттердің бірі екені белгілі. Біздің еліміздің әр ай­ма­ғында 470-тей ядролық сынақ жүр­гізі­ліп, 2500 рет ғарыштық және алысқа ұша­тын (баллистикалық) зымыран Бай­қо­­ңыр космодромынан ұшырылды. Арал теңізінің тартылуының, Сары­ша­ған, Се­мей полигондарының, Нұра өзенінің был­ғануының, Қазақстанның көп­теген аймақтарындағы өзен-су­лардың был­ғануының, сондай-ақ мұнай, көмір, ме­талл өндірісі қалдық­та­рының зала­лын халық шегіп отыр. Осы мақсатта елі­міздің экологиялық жағ­дайын ке­шіктірмей қолға алуды не­гізге алып, Қа­зақстан Республикасының Пар­ла­мен­ті, Қоршаған ортаны қорғау ми­нистр­лігі шетелдік әріптестермен бірігіп, көп­теген жұмыстар жүргізуде. 1997 жылы Қарағанды қала­сын­да Экомұражай (экологиялық мұра­жай) ашылды. Мұражай қызмет­кер­­лері экологиялық зар­­­дап­тар­ды бейнелейтін экс­понаттарды көрермендер наза­рына ұсынып қана қоймай, әр аймақтың эко­логиялық жағдайын зерттеу және оның залалын жою жолда­рын қарастыру мақсатында ауқымды жұмыстар жүргізіп келеді. 14 тақырыптық түрге бөлінген көр­мені көруге бүгінге дейін келушілердің саны 40 000-нан асады.