Дулатидің «Тарих-и Рашиди» атты еңбегі не жайлы?

Жақында «Алаш айнасы» газетінің бір санында Мұхаммед Хайдар Дулати жайлы мақала жарық көрді. Жалпы, ғалымның «Тарих-и Рашиди» атты еңбегі не жайлы?
Ұлықбек Жарқынұлы, Алматы қаласы
Мұхаммед Хайдар Дулатидің «Тарих-и Рашиди» атты еңбегінің қазақша атауы «Хақ жолындағылар тарихы» деп аталады. Еңбек XIV ғасырдан XVI ғасырдың орта ке­зеңіне дейін, яғни бірнеше ғасырды қам­титын энциклопедиялық сипатта   жазылған. Бұл кітаптың жазылу мәдениеті, ғы­лыми маңызы, тың әрі бізге беймәлім де­рек­те­рі­нің молдығы, этнографиялық, эт­никалық гео­графиялық, археологиялық мә­лі­мет­те­рі­нің сонылығы, тарихи оқи­ға­лар­ды нақты әрі айқын баяндауы оқыр­ман­ды да, зерт­теу­шілерді де тәнті етеді. Дулати өзіне дейін Тұраннан шыққан та­ри­хи тұлғаларды то­лық дерлік қамтыған. «Тарих-и Рашиди» – ақын­дық қуат, жа­зу­шылық шеберлікпен, көркем де айшықты тілмен жазылған ме­муар­лық туынды. Онда ғалым Орталық Азия, Қазақстан, Шы­ғыс Түркістан, Пәкіс­тан, Үндістан т.б. ел­дердің халықтары, олар­дың мәдениеті, әдет-ғұрпы туралы танымдық мәліметтермен таныстырады.