«Дипломмен – ауылға!» бағдарламасы маған тиісті ме?

Мен Маңғыстау облысының Мұнайлы ауданына балабақшаға есепші қызметіне жұмысқа орналастым, биыл «бастауыш мұғалімі боламын» деп қайтадан оқуға түстім, енді 2013 жылы оқуымды аяқтап шығамын, осы жұмыста тәрбиешілік жұмысқа ауысатын болсам, «Дипломмен – ауылға!» бағдарламасы маған тиісті ме?
Шаттық, Маңғыстау облысы
Сіздің сауалыңызға «Нұр Отан» халық­тық-демократиялық партиясы «Жас Отан» Жастар қанаты Атқарушы хатшылығының жетекшісі Нұрлан Сыдықов жауап берді. Оның айтуынша, егер Мұнайлы ауданындағы балабақша мемлекеттік болса, мұғалім маманды­ғына қарамастан, оқуды аяқтаған соң, тәрбиешілік қызметіне «Дипломмен – ауылға!» бағдарламасымен ауысуыңыз­ға болады. Егер сіз қалалық жерде тір­кеуде тұрсаңыз, тіркеуден шығып, жұ­­мыс­қа орналасқан ауылдық жерге тіркелуіңіз қажет. Аталған бағдарламада барлығы алты мамандық қарастырыл­ған. Сол себепті «Дипломмен – ауылға!» бағдарламасы сізге тиісті деп толыққан­ды айта аламыз.