Диетолог салмақ тастауға арналған диеталардың зиянын айтты
Австралиялық диетолог Лианн Уорд салмақ тастау кезіндегі диеталардың зиянын айтты. Бұл туралы Stan.kz ақпарат агенттігі хабарлайды.
Сарапшының айтуынша, артық салмақтан арылу үшін белсенді метаболизм қажет, ал кезекті диета мен аштық кезінде ол баяулайды.
"Кейде метаболизмді жақсарту үшін көп тамақтану керек, калория тапшылығынан арылып, бірнеше килограмм салмақ жинау керек, содан кейін қайтадан салмақ тастауға болады", &mdash дейді ол.
Метаболизмді тездету үшін Уорд әр тамақ кезінде ақуызды жеуге, калория тапшылығын болдырмауға, жаттығу жасауға және жақсы ұйықтауға кеңес берді.
"Сіз дұрыс тамақтанып, үнемі жаттығулар жасап, жақсы ұйықтасаңыз, метаболизм деңгейі жақсы болады", &mdash деп түсіндірді Лианн Уорд.
Уорд адамдарға күніне жетіден тоғыз сағатқа дейін ұйқы қажет екенін және ұзақтығы ғана емес, демалу сапасы да маңызды екенін атап өтті. Ұйқының жақсы болуы үшін ол ұйқыға дейін көк жарықты шектеп, тамақтанғаннан немесе ішкеннен кейін бірден ұйықтамауды ұсынды.
