Депутат қандай жағдайда мандатынан босатылады?

Менің білгім келетіні, Парламент депутаттары қандай жағдайларда мандаттарынан босатылады?
Нұрлыбек Әлпейсов, Астана
ҚР Парламенті және оның депутаттарының мәртебесі туралы 1995 жылғы 16 қазандағы № 2529 Конституциялық Заңының 24-бабында көрсетілгеніндей, Пар­ламент депутатының өкілеттігі орнынан түскен, ол қайтыс болған, соттың заңды күшіне енген шешімі бойынша депутат іс-әрекетке қабілетсіз, Қазақстаннан тысқары жерге тұрақты тұруға кеткен, аза­маттығын жоғалтқан, хабарсыз кеткен деп танылған жағдайларда және Конституция мен осы Консти­туциялық заңда көзделген өзге де жағ­дайларда тоқтатылады. Сон­дай-ақ Парламент Мәжілісінің де­путаты: 1) депутат конституциялық заңға сәйкес, өзін сайлаған саяси партиядан шыққан немесе шыға­рыл­ған; 2) конституциялық заңға сәйкес, депутатты сайлаған саяси партия қызметін тоқтатқан кезде өз мандатынан айырылады. Мә­жілістің Қазақстан халқы Ассам­блея­сы сайлаған депутатта­рының өкілеттігі оның шешімі бойынша мерзімінен бұрын тоқтатылуы мүмкін. Парламент Сенатының тағайындалған депутаттарының өкілеттігі ел Президентінің шешімі бойынша мерзімінен бұрын тоқтатылуы мүмкін. Сондай-ақ Парламент және Парламент Мәжілісі депу­таттарының өкілеттігі тиісінше Парламент немесе Парламент Мәжілісі таратылған жағдайлар­да тоқтатылады.