«Дәрінің керегі де жоқ» – Малышева қазақстандықтардың коронавирусқа қатысты сұрақтарына жауап берді
«Бірінші арнадағы «Жить здорово!» бағдарламасының жүргізушісі Елена Малышеваның айтуынша, қазақстандықтар оған коронавирусқа байланысты сұрақтар қойған.
Ол Instagram желісіндегі парақшасында үрейленген қазақстандықтарға жауап берді, – деп жазады Tengrinews.kz.
Көпшіліктің сұрағы бойынша Малышева шымкенттік реабилитолог Айна Бакееваның коронавирус жұқтырған науқастарды емдеу хаттамасын қайта қарауды сұраған видеосын атап өтті.
Сондай-ақ, Малышева неліктен «екінші карантин» жарияланғанын түсінбейтінін мәлімдеді.
«Қазақстанда жағдай нақты қалай екенін білмейміз. Интернетте дәрігерлердің жанайқайы толып жатыр. Бірақ дәрігерлер неліктен емдеу мүмкіндігін жоғалтып алды да, үкіметке үндеу жасап жатыр, түсінбеймін. Себебі алғашында емдеуге тиімді болған дәрілер, ең алдымен антикоагулянттар (қан ұюға қарсы дәрілер), емдеу мекемелерінде бар.
Қандай дәрілер емдемейді? Бұл – гидроксихлорохин, калетра, антибиотиктер. Бірден антибиотик жазып берудің мәні жоқ. Қазір дәрігерлер немен емдеп жатыр? Бірінші – антикоагулянттар. Екінші – іштегі қалып. Үшінші, ауру ауыр жағдайда өтіп жатса, науқастарды тоцилизумаба секілді препараттармен емдейді», – дейді Малышева.
«Қазақстанда көптеген адам үрейленіп, дүрбелең салып жатыр. Науқастар «бізде бәрі сұмдық, компьютерлік томографияның өзі жоқ» деп жазды», – дейді ол.
Малышева жауабында АҚШ-та ешқандай да томографиясыз емдеу туралы ресми шешім шығарылғанын айтты. «Кәдімгі рентген барлық сұрағыңызға жауап бере алады», – дейді тележүргізуші.
