Дәрігерлердің емханада емделу үшін де талон талап етуі заңды ма?
Мен негізі Түркістан қаласының тұрғынымын. Алматыда уақытша жұмыс істеймін. Өткенде өзім тұратын Алматыдағы аудандық емханаға барып көрінейін десем, дәрігерлер менен «тіркеу талоның бар ма?» деп сұрайды. Онсыз маған ешқандай дәрігер қарамайды екен. Жалпы олардың осылай талон талап етуі заңды ма? Мен Қазақстанның азаматымын ғой, ондай тлонның қажеті не?
Ұлбосын, Түркістан қаласы
Бұл сұраққа Түркістан қалалық емханасы бас дәрігерінің емдеу ісі жөніндегі орынбасары, медицина ғылымының кандидаты Ерғали Ибадуллаев жауап береді:
–Азаматтарды емханаға тіркеге алу ҚР Денсаулық сақтау министрлігінің 2010 жылғы 30 желтоқсандағы №749 бұйрығы негізінде жүргізіледі. Осы уақытқа дейін бұл жұмыс әрбір емханада сатылы түрде жүргізіліп келеді. 2011 жылдан бастап, емханаларға тіркеу республика бойынша автоматты түрде енгізілуде. Яғни әрбір адам өзі қалаған жердегі емханаға барып тіркеліп денсаулығын тексертіп, тиісті ем-домын ала алады. Ол үшін азаматтар өздері бұрын қаралып жүрген емханасынан «шығу» талонын алып, оны қаралатын емханасына әкеліп, сол жерде тіркелуі міндетті.
