Дәптер тексергені үшін төленетін үстемеақылар айлық жалақыға қосыла ма?

Мен мектепте 1,5 апталық жүктемемен жұмыс істеймін. Осы орайда білгім келгені, кабинет меңгерушілігіне, дәптер тексергені үшін төленетін үстемеақылар айлық жалақыға қосыла ма?
Райхан Анарханова, Жамбыл облысы
Еңбекті нормалау және еңбекке ақы төлеу басқармасының сарапшы маманының мәлі­ме­тінше, білім саласының қызметкерлеріне еңбек жағдайлары үшін мұғалімдерге, оқы­ту­шыларға, өндірістік оқыту шеберлеріне және оқытушылық қызметті жүргізетін қыз­мет­кер­лерге оқу каби­нет­терін (зертханаларды, ше­бер­ханаларды, оқу-консультативтік пункт­тер­ді) меңгергені үшін БЛЖ-дан 20 % мөлшерінде қо­сым­ша ақы; дәптер мен жазбаша жұмыс­тар­ды тексергені үшін 5-11 сынып мұға­лім­де­ріне БЛЖ-дан 25 % , 1-4 сыныптардың мұға­лім­деріне БЛЖ-дан 20 % қосымша ақы қарастырылған. Сонымен бірге Қазақстан Рес­публикасы білім және ғылым министрінің 2008 жылғы 29 қаңтардағы № 40 бұй­ры­ғы­мен бекітілген Бюджет қаражаты есебінен қаржыландырылатын мемлекеттік білім беру ұйымдарының қызметкерлеріне жалақы есептеу ережесіне сәйкес: Мемлекеттік білім беру ұйымдарының педагогикалық қыз­мет­­кер­леріне еңбекақы төлеу айлық бел­гі­лен­ген тариф­тік ставкаларға (лауазымдық жала­қы­лар­ға) қарай еңбекақыны көтеру, қосымша ақы төлеу және педагогикалық жұмыстың нақ­ты көлемі ескеріле отырып жүргізіледі.
Үкімет қаулысымен белгіленген нақты оқу жүк­темесіне байланысты көбейтудің, қосым­ша ақы мен үстемеақы:
Жалпы білім беретін мектептер мен бар­лық үлгідегі және түрлердегі мектеп-интер­на­т­тарының 1-4-сыныптарын қоспағанда, мұға­лім­дер мен оқытушыларға дәптер мен жазба жұмыстарын тексергені үшін; біліктілік кате­го­риясы үшін жүргізіледі.