Дания туы – Құдай тарту еткен ең ежелгі ту

Әлем бойынша көнеден бүгінге дейін қолданыста келе жатқан ең ежелгі ту қай елдікі болып саналады?
Дархан ӘБІЛҒАЗЫ, Жамбыл облысы
Қызыл түсті, ақ түсті крестермен айшықталған Дания мемлекеттік туы әлемдегі қазіргі кезге дейін қолданылып жүрген ең ежелгі ту болып саналады. Даттықтар өз туын даннеброг деп атайды. Бұл тудың шығу төркіні дат аңызда­рын­да былай баяндалады. 1219 жылы «Же­ңімпаз» деп аталып кеткен дат королі Вальдемар ІІ-нің әскері Балтық бо­йындағы Колывани жерінде тұрақтап ж­а­тады. 1912 жылы 15 маусымда король мен епископтар басқарған дат әс­керіне тұтқиылдан эстон жасағы шабуыл­дап, даттықтар отряды кейін ше­гіне бастайды. Жан алысып, жан беріс­кен шақта дат епископтары қырат ба­сына шығып, Құдайдан жалбарынып кө­мек сұрайды. Бір кезде аспаннан ақ крест­ері бар қып-қызыл өте үлкен кенеп мата – Даннеброг түседі. Мұның Құдай­дан түскен жалау екеніне сенген даттық­тар­дың рухы оянып, қайратқа мініп, дұш­панын тойтарған екен. Колыванидегі Вальдемар шайқасы болған күннен бастап даттықтар Даннеброг жеңісті күнін атап келеді.