БҰҰ Қауіпсіздік кеңесіне мүше болудың тәртібі қандай?

Жуырда 2013 жылдың 17 қыркүйекте ҚР СІМ ғимаратында БҰҰ-ның Қауіпсіздік кеңесінің тұрақты емес мүшелігіне Қазақстан кандидатурасын алға тартуға арналған жиын өткенін білеміз. Жалпы, БҰҰ ҚК-не қандай елдер мүше және оның тәртібі қандай?
Ержан, Алматы облысы
БҰҰ Қауіпсіздік кеңесінің негізгі қыз­меті – халықтар арасындағы бей­біт­шілікті сақтау. Оған 15 ел кіреді. Оның бесеуі – Қытай, Ұлыбритания, АҚШ, Ресей және Франция тұрақты мү­­шелер. Қалған 10 мүшені гео­гра­фиялық ұсыныс негізінде ассамблея екі жыл мерзімге сайлайды және олар­дың бесеуі – жыл сайын сай­ланады. Географиялық негізде ҚК-нің тұрақты емес мүшелердің бесеуі Азия мен Африкадан, біреуі – Шы­ғыс Еуропадан, екеуі – Латын Аме­ри­касынан, екеуі – Батыс Еуропадан жә­не өзге елдерден сайланып оты­рады. Қазіргі тұрақты емес мүше ел­дер: Австралия, Гватемала, Марокко, Пә­кістан, Того елдері 2012-2013 жыл­дарға, яғни бір жылға сайланған бол­са, Әзірбайжан, Аргентина, Люк­сембург, Руанда, Оңтүстік Корея (2013-2014) , яғни 2 жылға сай­лан­ған. Жарғыға сәйкес, БҰҰ мүше­ле­рінің барлығы ҚК-нің шешіміне ба­ғы­нады. БҰҰ-ның Бас ассамблея сияқ­ты өзге органдары үкіметтерге тек ұсыныстар ғана жасаса, Қауіп­сіз­дік кеңесінің мүше-мемлекеттер орындауға міндетті шешімдер қа­был­дауға өкілеттілігі бар. Алайда, тұ­рақты мүшелердің кез-келгені қал­ған 14 мүше қолдап тұрған қандай да бір шешімнің орындалуына ке­дер­гі жасай алады. Бұл «Вето» құқығы деп аталады.