Бозоқ қаласын Ақмоланың түпкі атасы санауға болады

Астананың орнында бұрын ежелгі қалашық болған екен деп естіп қалғаным бар еді. Ол қалашықтың аты Бозоқ екен. Осы қалашық жайында толық білгім келеді.
Дастан Жұмабаев, Астана
Бозоқ – шамамен VIII ғасырларда құрылған ежелгі қалашық. Бұл қала­шықты 1998 жылы Есіл археоло­гиялық экспедиция басшысы мен негізін қалаушы К.А.Ақышев ашады. Қалашық Нұра өзенінің Есіл өзеніне өте жақын ағып келетін тұсында орна­ласқан. Аумағы 30 гектар жер­ді алып жатыр. Бұл жер шаруашылық мақ­сат­тарға, әскери-стратегиялық да­йындық өткі­зуге, керуен жолдарын бақылауға алуға өте қо­лайлы бол­ған. Тарихшылардың айтуынша, Бозоқ – аумақтың әкімшілік және сауда орта­лы­ғы, сонымен қатар Ұлы Жібек жолы бо­йын­дағы қып­шақ билеушілерінің әскери ордасы бол­ған. Сондықтан да бүгінгі еліміз­дің ордасы қу тақырға салынып, ойда жоқта Астана бола қал­ған жоқ. Елор­даны Алматыдан Ақ­мо­лаға көші­рер­де жоғарғы Есіл маңын­да жос­парлы түр­де археологиялық зерттеу жұ­мыс­тары жүргі­зіл­ді. Мемлекет басшысы Н.На­зар­баев­тың өз еңбектерінің бірінде: «...орта­ғасыр­лық Бозоқ қа­ла­сын Ақмоланың түпкі атасы деп санау­ға болады, ал оның соңғы мұрагері қазіргі Қазақ­стан­ның астанасы – Астана қаласы», – деп жазуына осы зерттеулер де негіз болды десек те болады.