Бірпалаталы парламент бар ма?

Сіздер арқылы әлемдегі бірпартиялы парламент туралы ақпар алған едім. Еліміздің Парламенті Сенат және Мәжілістен, яғни екі палатадан тұрады. Бірпалаталы парламенті бар мемлекеттер жөнінде мәліметтер берсеңіздер.
Ернар АРДАҚҰЛЫ, Семей қаласы
Әлемде бірпалаталы парламенті бар мемле­кеттер өте көп. Тіпті кейбір деректерде дүниежүзі мемлекеттерінің 60 пайызына жуығының пар­ла­менттері бір ғана палатадан тұратыны көрсетілген. Мысалы, Еуропадағы экономикасы дамыған Фин­ляндияның заң шығарушы органы эдускунт (200 депутат), Швеция риксдагі (349 депутат) – төрт жыл­ға сайланатын бірпалаталы парламент­тер. Бір ғана палатадан тұратын Еуропаның тағы бір елі – Хорватияның жоғарғы заң шығарушы орга­нын­да 8 орын елдегі аз ұлттарға беріледі. Со­ның үшеуі сербтерге тиесілі екен. Бұрынғы КСРО елде­рінің ішінде Эстония (101 депутат) мен Түрік­мен­стан (50 депутат) – бірпалаталы парла­менті бар мем­ле­кеттер. Сонымен қатар Шри-Ланка (225 де­путат), Гвинея (100) және Эритерия (150) т.б. мем­ле­кет­тердің заң шығарушы ор­ган­дары бір ғана па­ла­тадан тұрады. 2004 жылға дейін Өз­бек­станда бірпала­талы заң шығарушы ор­­ган болған. Ал жа­­қында өз жолдауында Ук­раина президенті Вик­тор Ющен­ко жалқы пала­та­лы Жоғарғы Рада­ны қос па­латаға бөлу туралы ұсыныс жасады.