Бір партиялы Парламентте 154 депутат бар

Парламенттің төменгі палатасында бұрын 77 халық қалаулысы бар еді. Шы­ным­­­ды айтсам, Конституциямызға өзгерістер енгізілгеннен кейін депутаттардың санын нақты білмеймін. Сенат пен Мәжілісте қанша депутат бар?
Дәурен Ермекбайұлы, Алматы қаласы
2007 жылы өзгертілген еліміздің Конс­титуциясына байланысты Парламент Се­на­тында 47 депутат болса, төменгі палата –Мәжілісте 107 халық қалаулысы бар. Өзгеріс енгізілген негізгі заңымыз бойын­ша, Сенаттың 15 депутатын Президент тағайындайды. Ал 32 сенатор 14 облыстан және Астана мен Алматы қалаларынан екі адамнан жергілікті мәслихат депутаттары­ның дауыс беруі арқылы сайланды. Ал Мәжілістің 98 депутаты сайлаудың про­пор­ционалды жүйесі арқылы партиялық ті­зіммен сайланды. Қалған 9 мәжілісмен Қазақстан халқы ассамблеясы арқылы де­путаттық мандатты иеленді. Сонымен қа­тар Конституцияға сәйкес, депутаттар ар­найы жұмыс топтары мен комитеттер құ­­руға құқылы. Соған сәйкес Сенатта қо­ғам­ның әр саласы бойынша алты, ал Мә­жі­лісте жеті комитет бар.