Бауырым ауырмас үшін нені ескеруім керек?
Біздің елімізде де бауырды алмастыру тәжірибесі қолданыла бастады. Бұл – өте қуанарлық жағдай. Жалпы, бауыр ауруының белгілері және бауырдың атқаратын қызметі қандай екені туралы білгім келеді.
Әбіш ӘБЕНОВ, Жезқазған қаласы
Бауырдың адам ағзасында ас қорытуда атқаратын қызметі зор. Бауырда глюкоген түзіледі және жинақталады, сондай-ақ қан ұю және қан тоқтату үшін қажетті ақуыз бен минералдық заттарды, бауыр арқылы өтетін ірі қан тамырлары қызметтерін реттейді. Ас қорыту үшін қажетті өте қышқыл түрдегі өт сұйығы ағзаға түскен улы заттарды залалсыздандырып, майларды ерітеді. Айта кету керек, ағзаға улы заттар мөлшерден тыс түскен жағдайда бауыр қызметі бұзылып, түрлі ауруларға апарып соқтырады. Әсіресе бауырдың қатерлі ісігі ішімдікке жақын адамдарда жиі кездеседі. Бауырдың қатерлі ісігі ауруы көбіне білінбей, асқынған кезде ғана белгі береді. Сондықтан дәрігерге жиі көрініп тұрған артық болмайды. Сондай-ақ өті жоқ адамдар үшін бауырға салмақ екі есе артық түсетіндіктен, диета сақтап жүрген дұрыс. Тағы бір ескеретін жайт, моншада және моншадан шыққан соң бір сағатқа дейін салқын су ішуге болмайды, бұл да бауырға өте зиян.
