Баукең кімге дәріс оқыған?

Бауыржан Момышұлы соғыс кезінде елге демалысқа келген сәтінде зиялы қауым өкілдерін жинап, дәріс оқыған және сол баяндамасы кейіннен «Соғыс психологиясы» деген атпен кітап болып жарияланған көрінеді. Сол лекцияның жай-жапсарын білгім келеді.
Ержан БАҒАЙДАРҰЛЫ, Шымкент қаласы
1944 жылы қысқа мер­зімге елге келген Бауыржан Момышұлы ғылым, әде­биет пен өнер саласы өкіл­дерінің ірік­телген тобымен арнайы әңгіме өткізген. Оған Қ.Сәтбаев, М.Әуезов, Ғ.Мү­сі­репов, К.Мыңбаев, Г.Рошаль, Ә.Марғұлан, А.Жұ­ба­нов секілді басқа да белгілі қайраткерлер қатысқан. Ұлы Отан соғы­сының бірсыпыра кезең­дерін әңгімелей отырып, Баукең: «Бұл менің соғыс туралы толғаныстарым емес, менікі – жай ғана ерлікке тәрбиелеу туралы ойлар», – дейді.
Баукеңнің бұл баяндамасы кейіннен «Соғыс психоло­гия­сы» деген атпен жарық көрген. Аталған еңбектің күні бүгінге дейін Ресеймен қатар, Куба, Ни­карагуа, Польша, Вен­грия, Чехия, Словакия, Испания, Жа­пония, Израиль, Вьетнам елде­ріндегі әскери оқу орын­да­­рында оқытылуы – Б.Мо­мы­ш- ұлының шебер қолбас­шылығын әлем халық­тарының сөзсіз мойында­ға­нының айға­ғы.