Басқа этнос өкілдерінің еліміздегі газет-журналы қанша?

Еліміздегі 130-дан астам диаспора өкілдері тілінің, мәдениетінің дамуына бар жағдайды жасап отырған елміз. Осы орайда, олардың «көзі, құлағы һәм тілі» бола алатындай бұқаралық ақпарат құралдарын шығаруына мүмкіндік беріп отырмыз ба?
Әли, Ақтөбе қаласы
Әрине, еліміздің кез келген үкіметтік емес ұйымдары мен қоғамдық бірлестіктер БАҚ құруға, демократия заңдылықтары шеңберінде қоғамға өз үнін қосуға құқылы. Мәселен,  Қа­зақ­стан халқы Ассамблеясы мамандарының ай­туынша, орыстілді басылымдарды есеп­темегенде, елімізде өзге ұлт өкілдерінің 35-ке жуық газет-журналы шығады екен. Олар­дың барлығы – Ақпарат ми­­нистр­лігінде арнайы тіркел­ген, тіркеу нөмірі мен куәлігі бар басылымдар. Демек, олар заң­ды тіркеуден өтіп, жұмыс жасап жатыр. Бұ­лардың арасында төрт ірі газет республикалық бюд­жеттен қаржы­лан­дырылады. Мысалы, не­міс тілінде шы­ғатын «Дойче альгемайне цай­тунг» газеті мен кәрістердің «Коре ильбо» ба­сылымы.  Ал «Ұйғыр авази» т.б. сол секілді ұлт­тық ор­та­лықтардың газет-журналдарын эт­номәдени орталықтардың өздері қар­жы­лан­ды­рады.