Естуімше, футболдан Қазақстан премьер-лигасының төрешілері әр матчқа 200 мың теңгеге жуық ақша алады екен. Сонда оларға бұл ақшаны Қазақстан футбол федерациясы төлей ме?
Айбар Мұхтаров, Шымкент қаласы
Бұл жерде Қазақстан футбол федерациясының еш қатысы жоқ. Төрешілерге қатысты барлық шығын ойынды қабылдаушы команданың иығына жүктелген. Яғни ары-бері жолақысы, тамағы, жатын жері және ойын ақысын алаң иелері көтереді. Клуб төрешілерге төленетін бұл ақыны матч болар күні күндізгі сағат 12:00-ге дейін төлеп құтылуы тиіс.
Биыл елішілік біріншіліктерде төрелік еткен төрешілерге әр ойын үшін төмендегідей төленуі тиіс:
Премьер-лига
Бас төреші: 198 мың теңге
Қапталдағы төрешілер: 110 мың теңге (әрқайсысына)
Резервтегі төреші: 22 мың теңге
Инспектор: 99 мың теңге
Бірінші лига
Бас төреші: 110 мың теңге
Қапталдағы төрешілер: 55 мың теңге (әрқайсысына)
Резервтегі төреші: 16,5 мың теңге
Инспектор: 55 мың теңге
ҰФЛ кубогы және дубльдік құрам арасындағы турнир
Бас төреші: 44 мың теңге
Қапталдағы төрешілер: 22 мың теңге (әрқайсысына)
Резервтегі төреші: 11 мың теңге
Инспектор: 22 мың теңге
Бас төреші қанша алады?
Последние статьи автора