«Барыс» әні – ресми әнұран

«Қазақстан Барысы» жобасының әнұраны туралы білгім келеді. Бұл әнді кім орындайды, кім жазған? Әнұран қалай таңдалды?
Арман ӘКІМБАЕВ, Көкшетау қаласы
«Қазақстан Барысы» турнир­і­нің ресми әнұраны – «Барыс» әні. Қазақ күресінен жүйелі түрде жек­пе-жектер өтетінін естіген кезде «Ал­даспан» этно-рок тобы­ның же­тек­шісі Нұржан Тойшы «Қазақстан Барысы» қазақ күре­сін дамыту қоры Қамқорлық ке­ңесінің төрағасы Арман Шораев­қа жоба­ның әнұраны боларлық ком­пози­ция жазып, ұсын­ған. «Өзім ке­зінде грек-рим кү­ресімен ай­налыстым. Сол себепті қазақ күре­сін әлемге паш ететін жобаға әдейілеп ән жазуды ұй­ғардым жә­не оны тегін ұсындым. А.Шо­раев мырзаға ұсы­нылған ән оның көңі­лінен шықты. Сөйтіп, жо­ба­ның ән­ұраны болып қалды», – дей­ді Н.Той­шы. «Барыс» әнін топ­тың дом­бырашысы, во­калисі, жас ком­позитор Шамшад­дин Ома­ров жазды, сөзі – Роман Бұр­қашевтікі. Ән «Алдаспанның» «Ұлы көш» атты жинағына енді, бейнебаяны да түсірілді.