Бананның қандай ауруларға емі бар?

Банан жемісі медицинада қолданылады деп жатады. Сонда оның қандай емдік қасиеті бар?
Арсен Тілешев, Өскемен қаласы
Ең алғаш Үндістан мен Қытайдың ау­ма­ғын­да пайда болған банан тропикалық жемісі ежелден емдік мақсатқа да қол­да­ныл­ған. Қазіргі медицина оның гүлін жұқ­палы іш ауруларын, асқазан жарасы мен демікпені емдеуге пайдаланады. Сондай-ақ бұл ағаштың гүлдерінен сусамырға қар­сы сусындар дайындалады. Бананның ауыз­ды уылдыратын шырынының жүйке ауруларына емі бар. Мұндай препараттардан эпилепсия, алапес ауруларын емдеуге және қан кетуді тыюға арналған дәрі-дәрмек әзір­ленеді. Жаңа көктей бастаған бананның жа­пырақтары күйік пен басқа да дене жарақат­тарын жаза алады. Тіл үйірер жеміс құрамында минералды заттар мол, оны жиі қолдану ағзада гемоглобинді көбейтіп, қаназдық ауруынан қорғайды. Ғалымдар бананның психологиялық күйзелістен арыл­та­тынын да анықтаған. Бұған қоса жемістің қабығы косметологияда сүйелді жоюға қол­да­нылады. Айта кетейік, банан өндірісі Үндістан, Қытай, Филиппин, Бразилия, Эк­ва­дор, Индонезия, Танзания, Коста-Рика, Тай­ланд, Мексика және Колумбия елдерінде қарқынды.