Баланы моншаға түсірерде нені білген жөн?

Балам моншаға түскенді жек көреді. Үйрете алмай-ақ қойдым. Соңғы кездері жылатып тұрып, моншаға түсіруге мәжбүр болып жүрмін. Баланы моншаға түсуге қалай қызықтыруға болады?
Ұлболсын АЙТҚҰЛОВА, Ақтөбе қаласы
Мамандар моншаға түскенді, әсіресе бу­мен қыздыратын орында отыруды жаны қа­ла­майтын баланы мәжбүрлемеу керектігін ескер­теді. Көзге қорқынышты көрінетін булы бөл­меге мәжбүрлеп кіргізу баланың мінез-құл­қына теріс әсер етеді. Жас адамның терісі үшін ыстық моншаға түсіп тұру маңызды емес. Олар­ды ағзаға мейлінше жеңіл әрі жұм­сақ тиетін сау­на­ның себезгілі жуыну орын­дарына апар­ған дұры­сырақ. Алайда ба­лаға монша мен ыстық будың ағзаға пай­да­лы, жақсылап демалуға қажетті нәрсе еке­нін түсіндірген жөн. Моншада балалар үшін жаңа көтеріліп ке­ле жатқан буда бес ми­нут отырса да жет­кілікті. Ал сыпырғышпен кішкентай баланың бүкіл денесін емес, таба­нын ғана ұрғыласа бо­лады. Бумен қыз­ды­рын­ғаннан кейін ба­ла­лар­дың суық бассейнге түс­пегені дұрыс. Негізі, балалардың дені мон­шаға түс­кенді жақ­сы көреді. Жастайынан су мен бу про­це­дура­ларына үйренген балалар буын сыр­қы­рауы мен тері ауруларынан аман болады.