Баламның туу туралы куәлігін қалай ауыстыруыма болады?

Біз осыдан бірнеше жыл ілгері Қытайдан көшіп келгенбіз. Мен де, күйеуім де Қазақстан Республикасының азаматтығын алғанбыз. Қазіргі күні Алматы облысында тұрамыз. Өткен жылы Қытайдағы туыстарыма барып, сол жақта босанып қалдым. Ол жақта балама Қытай елінің туу туралы куәлігін берді. Осы орайда менің білгім келгені, баламның туу туралы куәлігін қазақстандық туу туралы куәлікке алмастыруыма бола ма? Жергілікті жердегі АХАЖ бөліміне барсам, «енді баланың туу туралы куәлігін алмастыруға болмайды» дейді. Осы заңды ма? Баланың әке-шешесінің Қазақстан азаматы екені ескерілмей ме?
Тұғырхан ШЕҢГЕЛДІ, Алматы облысы
Заңгер маманның мәліметіне қара­ғанда Сіздің Қытай Халық Респуб­лика­сында алын­ған туу туралы куәлікті Қазақстан Респуб­ли­ка­сының туу туралы куәлігіне ауыстыру туралы өтінішіңіз қана­ғаттандырылмайды.
Өйткені Қазақстан Республикасының «Неке (ерлі-зайыптылық) және отбасы тура­лы» Кодексінің 188, 202-баптарына сәйкес, баланың тууын мемлекеттiк тiр­кеудi тiркеушi органдар баланың туған жерi бойынша немесе ата-анасының не олар­дың бiреуiнiң тұрғылықты жерi бойынша жүр­гiзедi.
Баланың тууын мемлекеттік тіркеу туралы акт жазбасының негізінде белгі­лен­­ген үлгідегі туу туралы куәлік беріледі.
Балаңыздың тууы Қытай Халық Рес­пуб­ликасында тіркеліп, туу туралы куәлік сол жақта берілгендіктен, Қазақстан Респуб­ли­касы­ның туу туралы куәлігіне ауыс­тыру мүмкіндігі жоқ.