Балалар ойнайтын алаңдар қандай болуы керек?

Кейбір балабақшалардың ауласында кішкентай күрке тәрізді қалқалар жоқ. Балалар күннің көзінде немесе ғимараттың көлеңкесінде ойнайды. Осы дұрыс па? Тағы бір сұрағым келетіні – балабақшалардағы балалар ойнайтын жерлерге плиталардың төселуі дұрыс па?
Самал Күнсарина, Қызылорда облысы
ҚР Үкіметінің қаулысымен бекітілген «Балалар мен жасөспірімдерді тәрбиелеу мен білім беру объектілеріне қойылатын санитариялық-эпидемиологиялық талап­тар» ережесіне сәйкес, сәбилер үйінің, мек­теп­ке дейінгі тәрбие мекемелерінің топтық алаңдары әрбір балалар топтары үшін бөлек болады, сәбилер тобында бір орынға 7,5 шаршы метр және мектепке дейінгі ұйым­дарда 7,2 шаршы метр аудан көзде­леді. Мектепке дейінгі ұйымдарда ойын алаңдарының көлемі бір балаға кемінде алты шаршы метрден болуы тиіс. Барлық алаңдар бір-бірінен жасыл көшеттермен оқшауланады. Әрбір топтық алаңда күн мен жауын-шашыннан қорғайтын және көлеңке түсіретін ауданы 40 шаршы метр­­лік көлеңке қалқалары болуы тиіс. Көлең­ке түсіретін қалқалардың едені ағаш тақтай­лар­дан жасалады. Ойын алаң­да­рындағы жабдық балалардың бойына және жасына сай орналастырылуы, сенімді және берік етіп бекітілуі тиіс. Жабдықтың бетінде шығыңқы немесе кедір-бұдырлы жерлер, көрінетін бұрандалар болмауы қажет. Сәби жастағы балалар үшін қозғалыс ойындары­на арналған жабдықтары бар аймақтың бетi шөптен, қалған барлық аймақтар қатты немесе құм себiлген неме­се ұсақ қиыршық тастармен нығыздалған құм жабынынан болуы тиіс. Тротуар плита­ны қолдануға жол берiледi.