Балабақшаға баланы қалай орналастыруға болады?

Баланы балабақшаға қалай орналастырамын? Оның жолдары қандай? Баланы балабақшаға тапсыру қанша жастан басталады?
Дидар БЕРІКОВ, Астана қаласы
Егер сіздің балаңыз бір жас пен алты жас аралығында болса, онда оның мектепалды мекемеге баруға құқығы бар. Ол үшін мыналар қажет: 
1) сіз таңдаған мектепалды ме­ке­меде бос орынның барын анық­тау;
2) балалар емханасында, сани­тарлық-эпидемиологиялық орта­лық­тарда берілетін медициналық құжат алу.
Мемлекеттік балабақшаға жол­дама алу үшін ата-ана міндетті түрде аймақтық білім беру органына өті­ніш жазуы тиіс. Сіздің өтінішіңіз мектепке дейінгі тәрбие бөлімдеріне тіркеуге алынады. Кезек бойынша қашан орын босағанда сіздің бала­ңыз балабақшаға алынады. Коррек­циялық мектепалды мекемеге алыну үшін мүмкіндігі шектеулі балаларға психологиялық-әдісте­мелік-педагогикалық комиссияның бекіткен қағазы керек. Осындай анықтама қағазы шипажай үлгісіндегі мек­теп­ке дейінгі мекемеге алынатын қа­ра­құрт ауруымен ерте ауырған бала­лар үшін аймақтық алдын ала емдеу орталықтарынан да берілуі қажет. Балабақшаға қабылдау кезін­де ата-анамен келісімшарт жасала­ды. Бұл келісімшартта екі жақтың өзара құқық­та­ры,  білім беру, тәр­бие­­леу­дегі ат­қаратын жауапкер­шіліктері мен мін­дет­тері айтылады. Сонымен қатар тамақтану мен балабақшаның жұмыс уақыты, ата-ананың таңдап алған ақылы білім беру сағаттары, бағалары жөнінде айтылады.