Балабақша есепшісінің еңбекақысы қай G санаты бойынша төленуі тиіс?

Мен мемлекеттік балабақшаға есепші болып жұмысқа орналастым. Менің білгім келетіні, мемлекеттік балабақша есепшісінің еңбекақысы заң бойынша қай G санаты бойынша төленуі тиіс? Біреулер «G-10 санаты бойынша» десе, енді біреулер «G-13 санаты бойынша төленуі тиіс» дейді. Осы туралы нақты айтсаңыздар екен.
Хадиша ХАКИМОВА, Қызылорда облысы
Еңбекті нормалау және еңбекке ақы төлеу басқармасы маманының мәліметін­ше, азаматтық қызметшілерге еңбекақы төлеу жүйесі Қазақстан Республикасы Үкіметінің 2007 жылғы 29 желтоқсандағы «Азаматтық қызметшілерге, мемлекеттік бюджет қара­жаты есебінен ұсталатын ұйымдардың қызметкерлеріне, қазыналық кәсіпорын­дардың қызметкерлеріне еңбек­ақы төлеу жүйесі туралы» № 1400 қаулы­сымен (бұ­дан әрі – қаулы ) реттеледі.
Қаулының 3-тармағына сәйкес, ұйым­дар қызметкерлерінің лауазымдық жалақы­лары (ставкалары) (ЛЖ) атқаратын лауа­зым­дарының лауазымдар санаттарына жатқызылуына және мамандығы бойынша жұмыс стажына, тағайындалған біліктілік разрядтарына (жұмысшылар үшін) қарай лауазымдық жалақыларын (ставкаларын) есептеу үшін бекітілген тиісті коэффи­циенттерді Қазақстан Республикасының Үкіметі белгілеген базалық лауазымдық жалақының (БЛЖ) мөлшеріне көбейту жолымен айқындалады.
Қаулыға 1-қосымшамен Азаматтық қыз­метшілердің санаттар бойынша лауа­зым­дарының тізіліміне сәйкес, есепшіге (біліктілігі жоғары деңгейдегі маман) ең­бек­ақы төлеу G-10 цсанаты бойынша, білік­тілігі орта деңгейдегі мамандарға G-13 са­наты бойынша жүргізіледі.
Бас есепшінің лауазымы басшы орын­басарының лауазымынан бір санат төмен болады.