Байқоңырдан қанша зымыран ұшты?

Еліміздегі Байқоңыр ғарыш айлағынан жыл басынан бері қанша зымыран ұшы­рыл­ғанын білейін деп едім. Жалпы, биыл ғарышқа қай мемлекет қанша зымыран ұшыр­ды?
Мұрат ЖАМПЕЙІСОВ, Қызылорда облысы

Байқоңыр ғарыш айлағындағы ақ­па­рат көз­де­рінің мәліметінше, бұл ғы­лы­ми нысан бү­гін­де ұшырылым саны бо­йын­ша әлемдегі ға­рыш айлақтарының көш басында келеді. Он­да жыл басынан бе­рі 11 зымыран ұшы­ры­лып­ты. Жылдың екін­ші жартысында бұл көр­сет­кішті арт­ты­ра түсу көзделіп отыр.  Мұнда ға­рыш ке­ңіс­тігіне аттанған зымырандардың бар­­лығы Ресей Федерациясынікі.  Жал­пы, зы­мыран ұшыру жағынан Ресей бі­рін­ші орын­да тұр. Ол Байқоңырдан 11 жә­не Пле­сец­кі­дегі ғарыш айлағынан төрт зы­мыран ұшырыпты. Олар­дың үштен бірі біз­дің елдегі Байқоңыр ға­рыш айлағының ен­ші­сінде. 12 ұшырылым жа­са­ған АҚШ екін­ші орында келеді. Қытай Халық Рес­­пу­­бли­­касы мен Еуропаның ғарыш агенттіктері екі, Жа­пония, Иран, Корея Халықтық Де­мо­кра­тия­­лық Республикасы және Үндістан мем­лекет­те­рі бір зы­мыраннан ұшыр­ған екен. Соның ішін­де Сол­­түс­тік Кореяның зымыраны апатқа ұшы­­­рапты.