«Байқоңыр» ғарыш алаңы қай жылы құрылды?

«Байқоңыр» ғарыш алаңы қай жылы құрылды және қай жылы алғаш ракета ұшырылды?
Айбек, 8-сынып оқушысы, Алматы қаласы
«Байқоңыр» ғарыш аймағы Қызылорда облы­­­­­сының Қармақшы ауданы аумағында ор­наласқан. Адамзат тарихында алғаш рет ғарыш­қа адам ұшыр­ған «Байқоңыр» ғарыш аймағының дүниеге келуі ХХ ғасырдағы ұлы оқиғалардың бірі де бірегейі болды. 1955 жылы қаңтардың 12-сінде «Байқоңыр» ғарыш аймағының қазығы қағылды. 1957 жылы 4 қа­занда ғарыш алаңынан тұң­ғыш ғарыш ракетасы ұшырылды. Ол дүние­жү­зіндегі ең бірінші жердің жасанды серігін ор­би­таға шы­ғар­ды. «Бай­қо­ңырдан» тұңғыш рет «Восток» ғарыш кеме­сімен адамзат баласы 1961 жылы ғарышқа аттан­ды.
1991 жылы 2 қазанда тұңғыш қазақ ғарыш­кері Т.Әубәкіров «Союз Т - 13» ғарыш кемесімен «Бай­қоңырдан» ғарышқа көтеріледі. Ресеймен бірлес­кен бағдарлама бойынша қазақ ғарышкері Т.Мұса­баев ғарышта екі рет, 1994,1998 жылдары болды.