Байларға арналған салық

Менің жалақым – 78 мың теңге. Келесі жылы жеке табыс салығы ұлғайған жағдайда айлығым қанша сомаға азаятын болады?
Фарида, Алматы

Бұл мәселе жөнінде «жеке табыс салы­ғындағы өзгерістер қазақстандықтар­дың тек екі пайызына ғана қатысты болмақ», – деп мәлімдейді еліміздің Қаржы министр­лігі.
Еліміздің Парламентіне ұсынылып отырған жеке табыс салығы бойынша про­грес­сивтік шкала енгізуді көздейтін заң жобасы айлық жалақысы 353 мың 750 теңгеден жоғары қазақстандықтар үшін ғана маңызды. Ал жеке тұлғалардың табы­сын қадағалап отыратын Мемлекеттік зейнет­ақы төлеу орталығының мәліметі бойынша, халықтың 98 пайызы бұл сома­дан төмен жалақы алады екен. Әйтсе де са­лық саясаты аса қатаңдап кетті деп айту­ға келмес. Тіпті жалақы көлемі 400 мың тең­геден асатындар үшін де салық көлемі 2000 теңгеге, яғни 0,5 пайызға артпақ. Тек «миллионерлерге» ғана бұл салық 5 пайыздан астамға көбейеді, соның өзінде оларға салынатын салық көлемі жалақы­ның 20 пайызынан аспайтын болады. Нәтижесінде, бұл салық бойынша 2011 жылы ғана қазынаға 12,5 миллиард теңге артық жиналмақ.
Статистика агенттігінің мәліметтеріне қарағанда, елімізде ресми түрде табыс табатын 5,3 миллион тұлғаның ішінде 101 мың адам ғана 350 мың теңгеден жоғары табыс табады. Ал еліміздегі орташа айлық жалақы қазір 82,3 мың теңгенің көле­мінде.
Демек, халықтың басым бөлігі бұл салықтың салмағын сезінбейтін болады.