«Байлар да жылайды» қанша сериялы еді?
Кезінде бүкіл Кеңес Одағы елдерінде тұңғыш «Байлар да жылайды» деген отбасылық сериал көрсетілген еді. Оны халықтың бар жұмысын тастап қойып көргені белгілі. Аттай екі жыл бойы болған бұл телехикая қанша сериядан тұрған еді?
Ботагөз, Алматы қаласы
«Байлар да жылайды» – Los Ricos Tambien Lloran 1979 жылы түсірілді. Мексикалық режиссер Фернандо Чаконның бұл туындысы Бразилия, Италия, Түркия, Португалия, Қытай және КСРО-да көрсетілді. Телехикая жанрына жаңа серпін берген сериалдың арқасында әртіс Вероника Кастро әлемнің танымал жұлдыздарының біріне айналды. Посткеңестік елдер тұрғындарының өтініші бойынша сериал көрсетілімінен кейін 1993 жылы Кастро өзінің әріптесі, кинодағы «баласы» Гильермо Капетильо екеуі Мәскеуге келді. Оларды Ресей астанасының орталығында құшақ-құшақ гүлдері бар, көздері жасқа толған миллиондаған көрермен қарсы алды. «Байлар да жылайды» 248 сериядан тұрады. Оның әрбір сериясы – 25 минуттан.
