Азық-түліктерге қойылатын санитарлық талаптар қандай?

Қазіргі кезде дүкен де, дүңгіршек те көп. Менің білгім келгені, сауда орындарынан азық-түлік сатып алғанда қандай санитарлық талаптарға баса назар аударуымыз керек?
Айзада Ибрагимова, Алматы облысы
Түрксіб аудандық МСЭҚБ бас маманы И.Р.ТОҚБЕРГЕНОВА:
 – Сауда орындарында азық-түліктерді сатып алмас бұрын өнімнің сақталу мер­зі­міне, таратылуына көңіл аудару керек. Жыл­дың ыстық мезгілінде тез бұзылатын өнім­дер тоңазытқыштарда сақталуы тиіс.
Сатушы сіздің сұрауыңыз бойынша азық-түлік өнімдерінің сапасы мен қауіп­сіз­дігін куәландыратын құжаттарды көрсетуге міндетті (сәйкестік серти­фи­каттары, жолдама құжаты). Және сату­шы­ның медициналық-санитарлық кітапшасы, арнайы киімі болуы шарт. Жеміс-жи­дек­тер ветеринарлық-санитарлық зертханада тек­серіліп, өнімдегі пестицидтер мен нит­рат­тардың қалдық мөлшері талапқа сай бол­ған жағдайда ғана сатылуға рұқсат етіледі.
Базарларда сатылатын ет және ет өнім­дері, сүт пен сүт өнімдері, балық, жұ­мыртқа, құс еті, бал және басқа да өнім­дер сатуға рұқсат беретін ветеринарлы құ­жаттармен қамтамасыз етілуі керек.
Сауда орындарында үй жағдайында дайын­далған келесі азық-түлік өнімдері сатуға жіберілмейді:
– герметикалық жабылған кон­сер­ві­лен­ген өнімдер, сусындар, жар­ты­лай­ фаб­рикаттар, ет өнімдері, асшеберлік өнім­дер, крем қосылған кондитерлік өнімдер, боялған мұзкәмпиттер, балауса және үйде қайта өңделген саңырау­құ­лақ­тар, дәрі­лік өсімдіктер мен препараттар, тез бұ­зылатын гастрономиялық өнімдер, плас­тик бө­тел­ке­ге құйылған өсімдік  ­майы.