Азаматтық қызметшілерге сауықтыру жәрдемақысы беріле ме?

Азаматтық қызметшілерге жыл сайынғы еңбек демалысы кезінде сауықтыру жәрдемақысы төлене ме екен?
Берік БАЛҒАБЕКОВ, Алматы облысы
Қазақстан Республикасы Еңбек ко­дек­сінің 239-бабына сәйкес, мем­лекеттiк бюджет есебiнен ұсталатын азаматтық қызметшiлерге ла­уазымдық жалақысы мөлшерiнде сауықтыруға арналған жәрдемақы төлене отырып, ұзақтығы күнтiзбелiк отыз күннен кем болмайтын жыл сайынғы ақылы еңбек демалысы берiледi. Азаматтық қызметшiлерді сауықтыруға арналған жәрдемақы күнтiзбелiк жылда бiр рет төленедi. Бұл ретте Кодекстің 1-бабында аза­мат­тық қызметшi – Қазақстан Рес­пу­бликасының заңнамасында бел­гiленген тәртiппен қазыналық кә­сiпорындарда, мемлекеттiк меке­ме­лерде ақылы штатта iстейтiн, олар­дың мiндеттерi мен функ­ция­ларын iске асыру және мемлекеттiк органдарға техникалық қызмет көрсетудi жүзеге асыратын адам. Азаматтық қызметшілер лауазым­дарының тізімі Қазақстан Респу­бликасы Үкіметінің 2007 жылғы 27 қыркүйектегі № 850 қаулысы­мен бекітілген.  Осыған орай, жыл сайынғы ақылы еңбек демалысы берiлген кезде лауазымдық жалақы­сы мөлшерiнде сауықтыруға арнал­ған жәрдемақы  лауазымдары тізі­міне енгізілген және ұйымның шта­тын­да тұрған қызметкерлерге тө­ленеді.