Азаматтық қарудың қандай түрлері бар?

Азаматтық қару дегеніміз не? Оның қандай түрлері бар?
Несіпбай, Семей қаласы
Жалпы, азаматтық қаруға Қазақстан Республи­касы­ның азаматтары өзін-өзі қорғау, спортпен шұ­ғылдану және аң аулау мақсатында пайдаланатын қару жатады. Азаматтық қару былайша бөлінеді: 1) өзін-өзі қорғау қаруы (оған жарақат салып әсер ететін патрондары бар атыс қарулары; жарақат салатын, газбен және сәулелі дыбыспен әсер ететін патрондары бар ұңғысыз атыс қаруы; көзден жас ағызатын немесе тітіркендіргіш заттармен жарақ­тал­­­ған басқа да құрылғылар; электрлі қару – зақым­да­ғ­ыш әсері электр энергиясын пайдалану­ға не­гіз­­делген және өзге қарулар жатады). 2) спорт­тық қару (оған ойық ұңғылы атыс қаруы; тегіс ұңғы­лы атыс қаруы; сұқпа суық қару; лақтырылатын қару; үрлемелі қуаты 3 Дж-дан жоғары пневмати­ка­лық қарулар кіреді). 3) аңшылық қару (оған ойық ұңғылы атыс қаруы; тегіс ұңғылы, оның ішін­де ойық бөлігінің ұзындығы 140 миллиметрден ас­пай­тын атыс қаруы; аралас (ойық және тегіс ұңғы­лы), оның ішінде алмалы-салмалы және жи­нал­малы ойық ұңғылы атыс қаруы; үрлемелі қуаты 25 Дж-дан аспайтын пневматикалық қару; сұқпа суық қаруы жатады. 4) белгі беретін қару (бұған тек бел­гі беруге арналған қару-жарақтар жатады).