Ауғанстанда сыбайлас жемқорлық асқынып тұр

Дүниеде сыбайлас жемқорлық тамыр жаймаған ел кемде-кем. Дегенмен сыбайлас жемқорлық асқынған елдердің қатарына қай мемлекеттер жатады?
Қалибек БІРЖАНОВ, Алматы облысы
Transparency International мемлекеттік емес сараптамалық агенттігінің биылғы жыл­ды қорытындылаған деректері бо­йын­ша, әлемде сыбайлас жемқорлық­тың Ау­ғанстанда асқынып тұрғаны мәлім бол­ды. Зерттеу барысында 85 елдің 91 мың тұрғынына сауалнама жүргізілген. Соның нәтижесінде Ауғанстан, Кам­бод­жа, Камерун, Үндістан, Ирак, Либерия, Ни­герия, Палестина, Сенегал, Сьерра-Леоне және Уганда ең жемқорлық жай­лаған елдер болып саналды. Сондай-ақ әлемнің әрбір төртінші тұрғыны мә­се­лесін тез шешу үшін күнделікті өмірде па­ра беруге мәжбүр болады екен. Жал­пы, сыбайлас жемқорлық асқынған ел­дер қатарында алдымен Африка, бұ­рынғы КСРО елдері, Оңтүстік Америка, Бал­қан, Түркия, Шығыс және Оңтүстік-Шы­ғыс Азия, Океания, Еуроодақ және Сол­түстік Америка мемлекеттері ата­ла­ды.