Ауасы ең лас қалалар

Алматы қаласы қашанда болса көліктен шыққан көк түтінге оранып тұратынын білеміз. Бұған оның географиялық орны да себеп болып отыр. Оңтүстік астанамыз әлемдегі ауасы ең лас қалалардың қатарына кіре ме?
Гүлдана, Алматы
Бүкіләлемдік денсаулық сақтау ұйымы­ның мамандары әлемдегі ауасы ең лас елді мекен ретінде Иранның Ахвас қаласын көрсетеді. Одан кейінгі кезекте Монғолия ас­танасы Ұлан-Батор танылды. Үшінші орын­ға тағы да Иран елінің Санандаж қа­ла­сы ілікті. Ауасы көк түтінге оранған қала­лар­дың қатарында сондай-ақ үнділік Лудхиана мен пәкістандық Кветта көрінді. Дүниежүзілік денсаулық сақтау ұйымы жасаған ерекше лас қалалардың тізімінде Алматы қаласы жоқ. Жалпы, қала ауасының ластануы ең ал­дымен көліктердің сапасыз жанармай тұ­ты­нуынан екені анықталып отыр. Ал ауасы ең таза қалаларға Канаданың Уайтхорс пен АҚШ-тың Санта-Фе қалалары танылды. Сон­дай ақ ауаны ластау көрсеткіштері тө­мен­гі көрсеткіште тұрған қалалардың қа­та­рына Вашингтон, Токио, Париж сынды ме­га­полистер де ілікті.