Аттестациядан өткізу тәртібі қандай?

Мамандығым бойынша жұмыс істеп келе жатқаныма 15 жыл болды. Жылда біліктілік бойынша аттестациядан өтеміз. Бастықпен кейбір мәселелерде келіспегенім үшін, мені биылға аттестациядан өткізбеймін деп отыр. Бастықтың мені аттестациядан өткізбей қоюына құқығы бар ма? Заң бойынша қалай болуы тиіс?
Жұлдызай ӨСЕРБАЕВА, Оңтүстік Қазақстан облысы
Заңгер маманның айтуына қараған­да,  Қазақстан Республикасының заңда­рын­да өзгеше белгiленбесе, қызметкер бiлiктiлiгiнiң жеткiлiксiздiгi салдарынан атқаратын лауа­зымына немесе орындайтын жұмысына сәйкес келмегендiктен, жұмыс берушiнiң бастамасы бойынша  қызметкермен  еңбек шартын бұзу аттес­тациялық комиссияның шешiмiне не­гiз­делуі керек, оның құрамына қыз­мет­керлер өкiлi қатысуға тиiс.
Қызметкерлердi аттестаттау тәртiбi, талап­тары мен кезеңдiлiгi ұжымдық шарт­та, ал ол жоқ болған жағдайда қыз­мет­кер­лердiң өкiлдерiмен келiсiм бойын­ша шығарылған жұмыс берушiнiң актi­сiнде айқындалады.
Дегенмен аттестациялық комис­сия­ның қорытындыларымен  келіспеген жағ­дай­ды, қызметкер  ол туралы сотқа шағымдана алады.