Ат әбзелдерін атымен білейік
![Ат әбзелдерін атымен білейік](/image/stub.png)
Ат әбзелдері – ер-тұрманның бөлшектерін, олардың толып жатқан атауларын және олардың атқаратын қызметтерін қазіргі жастардың білмейтіні рас. Соларды атап берсеңіздер екен.
Қожагелді БАЙКЕНОВ, Алматы
Ер-тұрман, ат әбзелдерінің бәрі салт атқа мініп жүру үшін жасалған құралдар. Олар: айыл – атқа ерді бекітуге арналған жабдық; ат дорба – атқа жем беруге арналған әбзел; ат тарақ – аттың жалын тарайды; ауыздық – аттың басын қалаған жаққа бұруға, тежеуге арналған шығыршық темір; ашамай – ер; белдік – қайыстан, былғарыдан қайып тігілетін бау; бұғалық – жылқыны ұстау үшін жасалған құрал; делбе – шанаға жегілген атты бұрып отыруға арналған; доға – атты шанаға жеккенде қамытты тәртеге жалғастыратын әбзел; ер – салт мініс әбзелі; ершік – жегу әбзелдерінің бірі; жабу – малдың үстіне жабатын жамылғы; желдік – тоқым мен ер қапталының арасына салынатын киіз; жүген – жылқыны жөнге келтіріп отыратын әбзел; көтерме – атты арбаға, шанаға жеккенде ағаш жетегін көтеретін бау; көпшік – ердің үстіне төселетін төсеніш; кәсен – жылқыны матау әбзелі; қамшы – атты жүргізу үшін сабалап отыруға арналған құрал; қамыт – көлікті арбаға немесе шанаға жегу үшін пайдаланылады; қанжыға – салт атқа бөктерген затты байлайтын жіңішке қайыс таспа; өмілдірік – ердің артқа кетпеуін қамтамасыз етеді; өре – аттың алдыңғы және артқы аяғына салатын тұсау; таға – жылқының мұздан таймауы үшін тұяғына қағылады; тебінгі, тепкіншек – ер-тұрманның құрамына жататын әбзелдердің түрі; терлік пен тоқым – ердің ат арқасына батпауы үшін төселеді; тұсамыс – жылқы ұзап жайылып кетпес үшін алдыңғы екі аяғына салынады; үзеңгі – атқа отыруға және аяқты қойып отыратын құрал; шідер – атты матау әбзелінің бірі: шілия – қамытты аттың мойнына кетірмеу үшін пайдаланылатын әбзел.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)