Астанада Ботаникалық бақ пайда болады
Астанада ботаникалық бақ пайда болатыны туралы айтылды. Менің білгім келетіні, ол қай жерде орналасады және қанша территорияны алады?
Берік, Астана
Есілдің сол жағалауынан пайда болатын бақ қала ЕХРО-2017 көрмесіне абаттандыру ауқымды бағдарламасы аясында салынбақ. Аталған нысанның жалпы көлемі – 97,5 га. Ол Қабанбай батыр даңғылы мен Түркістан, №24 және №26 көшелер шекарасында орналасады деп жоспарланған. Аstana.kz сайтына Астана қаласы әкімдігінің Энергетика және коммуналдық шаруашылық басқармасынан хабарлағанындай, қазірдің өзінде «Астана қаласындағы саябақ алаңы бар Мемлекеттік ботаникалық бақ құрылысын» жобалауды «Ботаника және фитоинтродукция институты» РММ әзірлеп, мемлекеттік экологиялық сараптамадан өту үшін ҚР Қоршаған ортаны қорғау министрлігінің Экологиялық реттеу және бақылау комитетіне жіберді. Еске салайық, жыл сайын Астанада абаттандыру мен көгалдандыру жөнінде ірі жобалар жүзеге асырылып келеді. Тек биылдың өзінде елорданың 15 жылдығы аясында қалада жалпы аумағы 11 гектар 13 гүлбақ қалпына келтіріліп, жөнделді.
