Астана-Бурабай автомагистралінің ақысы қанша?

Астана-Бурабай жолы ақылы болатыны әуел бастан белгілі. Ал енді олардың ақысы қанша? Бұл жолдарды жүріп өткені үшін жеңіл көліктер қанша сома төлеуі керек?
Дидар ҚУАТҚЫЗЫ, студент
Бұл ретте келесі жылдан бастап Астана-Бурабай автобанындағы баға жеңіл көліктер үшін – шақырымына 2 теңге, ал коммерциялық көліктерге шақырымына 15 теңге болып бел­гіленіп отыр. Оның ішінде автобустарға 5 тең­геден 15 теңге аралығында ақы төлеуге тура кел­еді. Ал осы автомагистраль бойында орна­лас­қан елді мекеннің тұрғындары үшін онымен жү­ру тегін болады. Өйткені оларға бір күннің ішін­де осы жолмен бірнеше мәрте қатынауына тура келеді. Сондықтан жол бойы елді ме­кендер тұрғындарынан ақы алын­байды.
Естеріңізге сала кетейік, ұзақтығы 224 шақырым болатын еліміздегі алғашқы үлкен жыл­дамдықты Астана-Бурабай автомагис­т­ра­лінің құрылысы 2006 жылы басталған бо­латын. Алты жолақты жаңа жол техникалық сана­ты 1-А параметрлеріне сәйкес келеді. Жол­дың есепті жылдамдығы сағатына 150 ша­қырымды құрайды. Жобаның құны – 115 млрд теңгеден астам.